"Челси"нинг собиқ футболчиси Эмануэль Пети Англия Премьер-лигасининг кечаги Лондон дербисида "Арсенал"га қарши ўйиндан сўнг жамоани танқид қилди. "Челси" 1:3 ҳисобида мағлуб бўлди ва барча мусобақаларда кетма-кет олтинчи мағлубиятини қабул қилиб олди.
"Мен "Челси" захира ўриндиғига яқин бўлганимда, баъзи ўйинчиларнинг ўзаро баҳслашаётганини кўрдим. Биринчи бўлимда содир бўлган воқеа мени ҳайратда қолдирди. Футболчиларда на ғурур, на бирдамлик, на дўстлик бор эди. Захирага камида 20 нафар мураббийни қўйиш мумкин, бу ҳеч нарсани ўзгартирмайди. Менимча, клуб биринчи навбатда кийиниш хонасини тозалаши керак, шундан кейингина мураббий ҳақида ўйлаш керак. Мухлислар учун жуда афсусдаман, бундай ўйинни кўриш уят", - деди Пети.
