Erling Xoland, Kevin de Bryuyne va yana 6 nafar futbolchi Premyer-ligada oyning eng yaxshi futbolchisi bo‘lish uchun da’vogarlik qilmoqda.

Ro‘yxatda Kevin de Bryuyne («Manchester Siti», 3 gol, 4 golli uzatma), Erling Xoland («Manchester Siti», 6 gol, 2 golli uzatma), Eberechi Eze («Kristal Pelas», 4 gol), Aleksandr Isak («Nyukasl», 4 gol, 1 golli uzatma), Diogo Jota («Liverpul», 5 gol, 2 golli uzatma), Dominik Solanke («Bornmut», 3 gol, 3 golli uzatma), Olli Uotkins («Aston Villa», 5 gol, 1 golli uzatma) va Kallum Uilson («Nyukasl», 8 gol, 1 golli uzatma) joy olgan.

G‘olib kelasi hafta muxlislar va mutaxassislar tomonidan ovoz berishdan so‘ng e’lon qilinadi.