"Real" yarim himoyachisi Toni Kroos kelasi mavsumda ham jamoada qoladi. Jurnalist Insayder Fabrisio Romanoning yozishicha, tez orada "qirollik klubi" rahbariyati bu haqda rasman ma’lum qiladi.
Oldinroq Kroos "Real" bilan shartnomasini uzaytirish yoki uzaytirmaslik haqida o‘ylayotgandi. Nemis uchun yana bir variant faoliyatini yakunlash edi, biroq futbolchi faoliyatini yakunlashni hozircha kechiktirishga qaror qildi. Kroosning yangi shartnomasi kelasi mavsum oxirigacha amal qiladi. Ehtimol, kelishuv yakunida Toni butsasini mix iladi.
Eslatib o‘tamiz, "Real Madrid"da shartnomasi muddati tugaydigan yana ikkita markaziy yarim himoyachi bor. Gap Dani Sebalyos va Luka Modrich haqida ketmoqda. Bu ikkisi katta ehtimol bilan keyingi mavsumda ham qoladi.
