"Реал" ярим ҳимоячиси Тони Кроос келаси мавсумда ҳам жамоада қолади. Журналист Инсайдер Фабрицио Романонинг ёзишича, тез орада "қироллик клуби" раҳбарияти бу ҳақда расман маълум қилади.
Олдинроқ Кроос "Реал" билан шартномасини узайтириш ёки узайтирмаслик ҳақида ўйлаётганди. Немис учун яна бир вариант фаолиятини якунлаш эди, бироқ футболчи фаолиятини якунлашни ҳозирча кечиктиришга қарор қилди. Крооснинг янги шартномаси келаси мавсум охиригача амал қилади. Эҳтимол, келишув якунида Тони бутсасини мих илади.
Эслатиб ўтамиз, "Реал Мадрид"да шартномаси муддати тугайдиган яна иккита марказий ярим ҳимоячи бор. Гап Дани Себальос ва Лука Модрич ҳақида кетмоқда. Бу иккиси катта эҳтимол билан кейинги мавсумда ҳам қолади.
