"Liverpul" hujumchisi Muhammad Saloh "Enfild"da mersisaydliklar safidagi 100-goli haqida gapirdi. Misrlik futbolchi "qizillar"ga "Brentford" ustidan 1:0 hisobida g‘alaba keltirdi.
“Bu yutuq men uchun katta ahamiyatga ega. Men bu yerda baxtliman, o‘zimni uydagidek his qilaman. Biz mavsumni iloji boricha yaxshi yakunlashga harakat qilishimiz kerak. Lekin gollar ikkinchi o‘rinda, asosiysi "Liverpul"ning g‘alabalari.
"Brentford" darvozasiga urgan golim? Men chiroyliroq gol urishni afzal ko‘rgan bo‘lardim. Ammo, agar bu bizga ochko to‘plashimizga yordam beradigan bo‘lsa, men hammasini avvalgidek qoldirishga tayyorman", - dedi Saloh klub matbuot xizmatiga.
30 yoshli hujumchi joriy mavsumda APLda 35 ta o‘yinda maydonga tushib, 19 ta gol urdi va 7 ta golli uzatmani amalga oshirdi.