"Ливерпуль" ҳужумчиси Муҳаммад Салоҳ "Энфилд"да мерсисайдликлар сафидаги 100-голи ҳақида гапирди. Мисрлик футболчи "қизиллар"га "Брентфорд" устидан 1:0 ҳисобида ғалаба келтирди.

“Бу ютуқ мен учун катта аҳамиятга эга. Мен бу ерда бахтлиман, ўзимни уйдагидек ҳис қиламан. Биз мавсумни иложи борича яхши якунлашга ҳаракат қилишимиз керак. Лекин голлар иккинчи ўринда, асосийси "Ливерпул"нинг ғалабалари.

"Брентфорд" дарвозасига урган голим? Мен чиройлироқ гол уришни афзал кўрган бўлардим. Аммо, агар бу бизга очко тўплашимизга ёрдам берадиган бўлса, мен ҳаммасини аввалгидек қолдиришга тайёрман", - деди Салоҳ клуб матбуот хизматига.

30 ёшли ҳужумчи жорий мавсумда АПЛда 35 та ўйинда майдонга тушиб, 19 та гол урди ва 7 та голли узатмани амалга оширди.