"Barselona" hujumchisi Ferran Torres jamoani ijara asosida tark etishi mumkin.

Sport.es xabariga ko‘ra, Kataloniya klubi boshliqlari va murabbiylar shtabi 23 yoshli vinger sotilmasa, kelasi mavsumda ijaraga berilishi mumkinligini ko‘rib chiqmoqda. Avvalroq OAVda Torresga "Yuventus", "Inter" va Londonning "Arsenal" klublari qiziqayotgani haqida xabarlar tarqalgan edi.

Ispaniyalik futbolchi joriy mavsumda barcha turnirlar doirasida 41 ta o‘yinda maydonga tushib, 7 ta gol urdi va 2 ta golli uzatmani amalga oshirdi. Transfermarkt ekspertlari Torresning narxini 30 million yevroga baholamoqda.