"Барселона" ҳужумчиси Ферран Торрес жамоани ижара асосида тарк этиши мумкин.
Sport.es хабарига кўра, Каталония клуби бошлиқлари ва мураббийлар штаби 23 ёшли вингер сотилмаса, келаси мавсумда ижарага берилиши мумкинлигини кўриб чиқмоқда. Аввалроқ ОАВда Торресга "Ювентус", "Интер" ва Лондоннинг "Арсенал" клублари қизиқаётгани ҳақида хабарлар тарқалган эди.
Испаниялик футболчи жорий мавсумда барча турнирлар доирасида 41 та ўйинда майдонга тушиб, 7 та гол урди ва 2 та голли узатмани амалга оширди. Transfermarkt экспертлари Торреснинг нархини 30 миллион еврога баҳоламоқда.
