«Manchester Yunayted»ning sobiq himoyachisi Rio Ferdinandning fikricha, «Chelsi» yarim himoyachisi Konor Gallaxer keyingi mavsumda ham jamoada qolishga loyiq.

Eslatib o‘tamiz, avvalroq «Chelsi» kelasi yozda shogirdi bilan xayrlashishi mumkinligi haqida xabarlar tarqalgan edi. Angliyalik futbolchining xizmatlariga «Nyukasl» qiziqish bildirmoqda.

«Gallaxer «Chelsi»dagi o‘rni uchun kurashayotgani va klubda qolishni xohlayotganini ko‘ryapsiz. Hozir klubda bu darajada yuqori istakli futbolchilar kam.

Yangi murabbiy kelgan taqdirda ham Konor hali ko‘p narsalarni o‘rganishi kerak. Ammo, ishonchim komilki, Gallaxer mamnuniyat bilan klubda qoladi», - deya Ferdinandning so‘zlaridan iqtibos keltiradi jurnalist Saymon Fillips.