«Манчестер Юнайтед»нинг собиқ ҳимоячиси Рио Фердинанднинг фикрича, «Челси» ярим ҳимоячиси Конор Галлахер кейинги мавсумда ҳам жамоада қолишга лойиқ.

Эслатиб ўтамиз, аввалроқ «Челси» келаси ёзда шогирди билан хайрлашиши мумкинлиги ҳақида хабарлар тарқалган эди. Англиялик футболчининг хизматларига «Ньюкасл» қизиқиш билдирмоқда.

«Галлахер «Челси»даги ўрни учун курашаётгани ва клубда қолишни хоҳлаётганини кўряпсиз. Ҳозир клубда бу даражада юқори истакли футболчилар кам.

Янги мураббий келган тақдирда ҳам Конор ҳали кўп нарсаларни ўрганиши керак. Аммо, ишончим комилки, Галлахер мамнуният билан клубда қолади», - дея Фердинанднинг сўзларидан иқтибос келтиради журналист Саймон Филлипс.