"Bavariya" Tomas Myuller bilan shartnomani uzaytirishi mumkin.
Avvalroq Myuller Tomas Tuxel qo‘l ostidagi o‘yin vaqtidan qoniqmayotgani va yozda "Bavariya"ni tark etish haqida jiddiy o‘ylayotgani xabar qilingandi.
Biroq, Sport1 nashrining yozishicha, Myuller biror marta ham bosh murabbiy yoki "Bavariya" rahbariyatiga biror narsa haqida shikoyat qilmagan.
"Bavariya" yarim himoyachining shartnomasi muddati tugaguniga qadar kamida 2024 yilgacha klubda qolishini kutmoqda. Qolaversa, Myuller keyingi mavsumni muvaffaqiyatli o‘tkazsa, shartnomani 2025 yilgacha uzaytirish mumkin.
"Bavariya" rahbarlari Myuller hali ham futbolchi va yetakchi sifatida jamoaga foydali bo‘lishi mumkinligiga ishonchi komil.
Myuller joriy mavsum Bundesliganing 24 o‘yinida 6 ta gol urdi va 7 ta golli uzatmani amalga oshirdi.
