“Roma” hujumchisi Temmi Abraxam Yevropa ligasi 1/2 finali birinchi o‘yinida “Bayer” ustidan qozonilgan g‘alaba (1:0) haqida fikr bildirdi.
“Bu juda qiyin o‘yin bo‘ldi, ammo biz g‘alaba qozonganimizdan xursandmiz. Uy stadioni, ajoyib muxlislar... biz qiyin bo‘lishini kutgandik va keyingi haftada bundan ham qiyin bo‘lishini kutamiz. Bugun qanday o‘ynagan bo‘lsak, shunday o‘ynashimiz kerak. Gol urish har doim yoqimli, lekin men uchun eng muhimi jamoamning g‘alaba qozonishiga yordam berish. Men shunchaki g‘alaba qozonishni va finalga chiqishni xohlayman", - deya Abraxamning so‘zlarini keltiradi UYEFA rasmiy sayti.
