“Рома” ҳужумчиси Тэмми Абрахам Европа лигаси 1/2 финали биринчи ўйинида “Байер” устидан қозонилган ғалаба (1:0) ҳақида фикр билдирди.

“Бу жуда қийин ўйин бўлди, аммо биз ғалаба қозонганимиздан хурсандмиз. Уй стадиони, ажойиб мухлислар... биз қийин бўлишини кутгандик ва кейинги ҳафтада бундан ҳам қийин бўлишини кутамиз. Бугун қандай ўйнаган бўлсак, шундай ўйнашимиз керак. Гол уриш ҳар доим ёқимли, лекин мен учун энг муҳими жамоамнинг ғалаба қозонишига ёрдам бериш. Мен шунчаки ғалаба қозонишни ва финалга чиқишни хоҳлайман", - дея Абрахамнинг сўзларини келтиради УЕФА расмий сайти.