Ukrainalik yarim himoyachi Mixail Mudrik Londonning «Chelsi»siga qanday moslashib borayotgani haqida gapirdi.

«Bu yerda ishlash menga yoqadi. Menga shunday yaxshi futbolchilar bilan o‘ynash manzur keladi. Kundan-kunga o‘sib borayotganimni his qilyapman, buni anglaganimdan mamnunman.

Oldinda bizni hali ko‘p yaxshi narsalar kutib turibdi», - deya futbolchining so‘zlarini keltiradi «aristokratlar» matbuot xizmati.

Mixail qishki transfer oynasida «Chelsi» safiga qo‘shilgandi. Bitim 70 million yevroni tashkil qildi.

Tomonlar 2031 yilning o‘rtalariga qadar hisoblangan uzoq muddatli shartnoma imzoladilar. Mudrik joriy mavsumda APLda 13 ta o‘yinda maydonga tushib, 2 ta golli uzatmani amalga oshirdi.