Украиналик ярим ҳимоячи Михаил Мудрик Лондоннинг «Челси»сига қандай мослашиб бораётгани ҳақида гапирди.
«Бу ерда ишлаш менга ёқади. Менга шундай яхши футболчилар билан ўйнаш манзур келади. Кундан-кунга ўсиб бораётганимни ҳис қиляпман, буни англаганимдан мамнунман.
Олдинда бизни ҳали кўп яхши нарсалар кутиб турибди», - дея футболчининг сўзларини келтиради «аристократлар» матбуот хизмати.
Михаил қишки трансфер ойнасида «Челси» сафига қўшилганди. Битим 70 миллион еврони ташкил қилди.
Томонлар 2031 йилнинг ўрталарига қадар ҳисобланган узоқ муддатли шартнома имзоладилар. Мудрик жорий мавсумда АПЛда 13 та ўйинда майдонга тушиб, 2 та голли узатмани амалга оширди.
