«Chelsi» yarim himoyachisi Kristian Pulishich kelasi yozda klubini o‘zgartirishi mumkin. Bu haqda nufuzli insayder Fabrisio Romano xabar berdi.
«Menimcha, Pulishich ketadi, ha. U o‘zini klubda muhim o‘yinchi sifatida his qilishni va doimiy o‘ynashni istaydi, lekin bu «Chelsi»da amalga oshmaydi», dedi Romano.
Avvalroq, mish-mishlar Kristian Pulishichni Italiyaning ikki giganti - «Napoli» va «Yuventus» bilan bog‘lagan edi.
Pulishich 24 yoshda va uning «Chelsi» bilan amaldagi shartnomasi 2023/2024 yilgi mavsum oxirigacha amal qiladi.
Nufuzli transfermarkt portali mutaxassislari amerikalik futbolchini 32 million yevroga baholamoqda.