«Челси» ярим ҳимоячиси Кристиан Пулишич келаси ёзда клубини ўзгартириши мумкин. Бу ҳақда нуфузли инсайдер Фабрицио Романо хабар берди.
«Менимча, Пулишич кетади, ҳа. У ўзини клубда муҳим ўйинчи сифатида ҳис қилишни ва доимий ўйнашни истайди, лекин бу «Челси»да амалга ошмайди», деди Романо.
Аввалроқ, миш-мишлар Кристиан Пулишични Италиянинг икки гиганти - «Наполи» ва «Ювентус» билан боғлаган эди.
Пулишич 24 ёшда ва унинг «Челси» билан амалдаги шартномаси 2023/2024 йилги мавсум охиригача амал қилади.
Нуфузли transfermarkt портали мутахассислари америкалик футболчини 32 миллион еврога баҳоламоқда.
