"Barselona" hujumchisi Ferran Torres Angliya Premyer-ligasiga qaytishga qarshi emas. U avvalroq "Manchester Siti"da harakat qilgan. Eslatib o‘tamiz, 2022 yilning yanvarida futbolchi 55 million yevro evaziga "Kamp Nou"ga o‘tgan edi.
The Hard Tackle xabar berishicha, Torres yozda Tumanli Albionga qaytish uchun takliflarga ochiq bo‘ladi. "Barselona" rahbariyati bosh murabbiy Xavi Ernandes loyihasiga endi to‘g‘ri kelmaydigan Ferrandan qutulmoqchi. Manbaning qayd etishicha, ispaniyalik futbolchiga uning hamyurti Unai Emeri boshchilik qilayotgan “Aston Villa” klubi qiziqmoqda.
Ferran Ispaniya chempionatining joriy mavsumida 4 ta gol va bitta golli uzatmani amalga oshirdi.













