"Manchester Yunayted" bosh murabbiyi Erik ten Xag himoyachi Rafael Varan jarohatidan forig‘ bo‘lganini tasdiqladi. U "Vulverxempton"ga qarshi bo‘ladigan o‘yinda klubga yordam beradi.
"Reshfordning ertaga maydonga tushishi so‘roq ostida, uning oyog‘ida muammo bor. Ammo biz Rafa Varan qaytganidan xursandmiz”, dedi Ten Xag matbuot anjumanida.
Futbolchi 13 aprel kuni Yevropa ligasi 1/4 finali doirasidagi "Sevilya"ga qarshi o‘yinda jarohat olgandi.
30 yoshli fransiyalik futbolchi joriy mavsumda APLda 21 ta o‘yinda maydonga tushdi.