Stefano Pioli "Milan"ning Chempionlar ligasi finaliga chiqishiga hech kim ishonmasligini aytdi.

"Inter" bilan Chempionlar ligasining birinchi yarim final o‘yinida “rossonerlar” 0:2 hisobida mag‘lub bo‘ldi. Javob 16 may kuni bo‘lib o‘tadi.

"Jamoa imkon qadar yaxshi tayyorgarlik ko‘rmoqda, futbolchilar birinchi o‘yindagidan yaxshiroq o‘yin ko‘rsatishga va g‘alaba qozonishga ahd qilishmoqda.

Bunday o‘yinga tayyorgarlik ko‘rish oson emas, lekin oldimizda muhim maqsad bor: g‘alaba qozonish va hech kim bashorat qila olmagan finalga yo‘l olish. Qolaversa, hozir finalga chiqamiz, deb hech kim o‘ylamaydi. Va biz ajoyib o‘yin o‘tkaza olishimizni bilaman.

Biz yuqori saviyada o‘ynashni xohlaymiz. Birinchi o‘yinning ikkinchi bo‘limida ko‘rsatgan o‘yinimiz yetarli bo‘lmaydi, "planka"ni ko‘tarishimiz kerak. O‘yin uzoq, biz uni yaxshi boshlab, raqib xatolaridan unumli foydalanmoqchimiz.

Ba’zi futbolchilar bunday o‘yinlarni orzu qiladi. Biz noqulay ahvolda ekanligimizni bilamiz, ammo vaziyatni o‘zgartirishga qodirmiz.

Standart vaziyatlardan ehtiyot bo‘lish kerak, bu raqibning kuchli tomonlaridan biri. Yaratiladigan imkoniyatlardan birinchi o‘yindagiga qaraganda yaxshiroq foydalanishimiz kerak. Biz xatolarga yo‘l qo‘ydik, ammo ertaga xatolar sonini minimal darajaga tushirishimiz kerak", - dedi milanliklar bosh murabbiyi.