"Manchester Siti" hujumchisi Erling Xoland "Real"ga o‘tish fikridan qaytmagan. Jurnalist Mario Kortexananing so‘zlariga ko‘ra, norvegiyalik futbolchi hali ham bir kun kelib “Santyago Bernabeu”da bo‘lishni orzu qiladi.
O‘z navbatida "Real Madrid" rahbariyati ham hujumchining xohishiga qo‘shiladi. "Qirollik klubi" ham Xolandning jamoada o‘ynashini xohlaydi. Tomonlar yaqin 2-3 yil ichida transferni istisno qilishmayapti.
Eslatib o‘tamiz, Chempionlar ligasi yarim finalida "Real"ga qarshi birinchi o‘yinda Xoland samarali harakati bilan ajralib turolmadi. Norvegiyalik futbolchi ertaga "Etihad"da bo‘lib o‘tadigan javob o‘yinida "Real"ga qarshi o‘z statistikasini yaxshilash imkoniyatiga ega bo‘ladi.