"Манчестер Сити" ҳужумчиси Эрлинг Холанд "Реал"га ўтиш фикридан қайтмаган. Журналист Марио Кортехананинг сўзларига кўра, норвегиялик футболчи ҳали ҳам бир кун келиб “Сантьяго Бернабеу”да бўлишни орзу қилади.
Ўз навбатида "Реал Мадрид" раҳбарияти ҳам ҳужумчининг хоҳишига қўшилади. "Қироллик клуби" ҳам Холанднинг жамоада ўйнашини хоҳлайди. Томонлар яқин 2-3 йил ичида трансферни истисно қилишмаяпти.
Эслатиб ўтамиз, Чемпионлар лигаси ярим финалида "Реал"га қарши биринчи ўйинда Холанд самарали ҳаракати билан ажралиб туролмади. Норвегиялик футболчи эртага "Этиҳад"да бўлиб ўтадиган жавоб ўйинида "Реал"га қарши ўз статистикасини яхшилаш имкониятига эга бўлади.