Leverkuzenning "Bayer" klubi "Arsenal" yarim himoyachisi Granit Jakani Germaniya Bundesligasiga qaytarish uchun faol ishlamoqda.
Jurnalist Florian Plettenbergning so‘zlariga ko‘ra, "aptekachilar" bosh murabbiyi Xabi Alonso shveysariyalikni jamoaning yangi yetakchisi sifatida ko‘rmoqda.
Manbaning ta’kidlashicha, Jaka yozda "Arsenal"ni tark etishga tayyor, ammo mavsum oxirigacha futbolchi butun e’tiborini hozirgi jamoasida o‘ynashga qaratgan.
"Kanonirlar" yarim himoyachisi uchun taxminan 15 million yevro so‘rashmoqda. Klublar o‘rtasidagi rasmiy muzokaralar hali boshlanmagan.
Jaka o‘rniga "Arsenal" "Vest Xem"dan Deklan Raysni sotib olmoqchi.