Леверкузеннинг "Байер" клуби "Арсенал" ярим ҳимоячиси Гранит Жакани Германия Бундеслигасига қайтариш учун фаол ишламоқда.
Журналист Флориан Плеттенбергнинг сўзларига кўра, "аптекачилар" бош мураббийи Хаби Алонсо швейцарияликни жамоанинг янги етакчиси сифатида кўрмоқда.
Манбанинг таъкидлашича, Жака ёзда "Арсенал"ни тарк этишга тайёр, аммо мавсум охиригача футболчи бутун эътиборини ҳозирги жамоасида ўйнашга қаратган.
"Канонирлар" ярим ҳимоячиси учун тахминан 15 миллион евро сўрашмоқда. Клублар ўртасидаги расмий музокаралар ҳали бошланмаган.
Жака ўрнига "Арсенал" "Вест Хэм"дан Деклан Райсни сотиб олмоқчи.