Londonning "Chelsi" klubi yozgi transfer oynasida o‘z tarkibini sezilarli darajada kuchaytirmoqchi. Ma’lumotlarga ko‘ra, "Chelsi" "PSJ"ni tark etmoqchi bo‘lgan Neymarni o‘z safiga qo‘shib olmoqchi.
"Chelsi" Neymar uchun 60 million yevro to‘lashga tayyor, deya xabar bermoqda El Nacional. Parij bunday miqdorni yetarli deb hisoblaydimi, degan savol tug‘iladi.
Neymar tarixdagi eng qimmat futbolchi bo‘lib qolmoqda. 2017 yilda "PSJ" braziliyalik hujumchi uchun "Barselona"ga 222 million yevro to‘lagandi.
2022/2023 yilgi mavsumda Neymar 29 ta o‘yinda maydonga tushib, 18 ta gol urdi va 17 ta golga assistentlik qildi. 31 yoshli braziliyalik hozirda jarohatidan forig‘ bo‘lmoqda.
