Лондоннинг "Челси" клуби ёзги трансфер ойнасида ўз таркибини сезиларли даражада кучайтирмоқчи. Маълумотларга кўра, "Челси" "ПСЖ"ни тарк этмоқчи бўлган Неймарни ўз сафига қўшиб олмоқчи.
"Челси" Неймар учун 60 миллион евро тўлашга тайёр, дея хабар бермоқда El Nacional. Париж бундай миқдорни етарли деб ҳисоблайдими, деган савол туғилади.
Неймар тарихдаги энг қиммат футболчи бўлиб қолмоқда. 2017 йилда "ПСЖ" бразилиялик ҳужумчи учун "Барселона"га 222 миллион евро тўлаганди.
2022/2023 йилги мавсумда Неймар 29 та ўйинда майдонга тушиб, 18 та гол урди ва 17 та голга ассистентлик қилди. 31 ёшли бразилиялик ҳозирда жароҳатидан фориғ бўлмоқда.
