«Пари Сен-Жермен» Чемпионлар лигасида кетма-кет иккинчи бор зафар қучганидан сўнг таркибни кучайтиришни режалаштирмоқда. Шанба куни парижликлар пенальтилар сериясида «Арсенал»ни мағлуб этиб, турнирнинг икки карра ғолибига айланишди.
Муваффақиятга қарамай, клуб ёзда таркибни янгилашни истамоқда: L'Equipe нашрига кўра, «ПСЖ» ҳимоянинг ўнг қанотида ўйнай оладиган янги марказий ҳимоячини изламоқда. Шунингдек, француз грандига чап қанот ҳимоячиси ва ҳужум чизиғига камида битта футболчи зарур. Агар кимдир сотилса, мақсадлар рўйхати янада кенгайиши мумкин.
