Roy Xojson mart oyida «Kristal Pelas»ni qabul qilib, mavsum oxirigacha qisqa muddatli shartnoma imzolagandi.

O‘shandan beri Premyer-liganing sakkiz o‘yinida «burgutlar» beshta g‘alaba, bir durang va ikkita mag‘lubiyat qayd etgan.

Natijada «burgutlar» 12-o‘ringa ko‘tarilib, muddatidan avval oliy diviziondagi o‘rnini ta’minladi.

talkSPORT xabariga ko‘ra, 75 yoshli Xojson yana bir mavsum «Kristal Pelas»da qolishga tayyor. Shu bilan birga, London klubi hozirda murabbiylar xaridini o‘rganmoqda.

Yaqinda «Chelsi»ni tark etgan Grem Potter London klubining qisqa ro‘yxatidan joy oldi. Ilgari ushbu mutaxassis «Brayton» boshqaruvida muvaffaqiyatli ishlagan.