Рой Хожсон март ойида «Кристал Пэлас»ни қабул қилиб, мавсум охиригача қисқа муддатли шартнома имзолаганди.
Ўшандан бери Премьер-лиганинг саккиз ўйинида «бургутлар» бешта ғалаба, бир дуранг ва иккита мағлубият қайд этган.
Натижада «бургутлар» 12-ўринга кўтарилиб, муддатидан аввал олий дивизиондаги ўрнини таъминлади.
talkSPORT хабарига кўра, 75 ёшли Хожсон яна бир мавсум «Кристал Пэлас»да қолишга тайёр. Шу билан бирга, Лондон клуби ҳозирда мураббийлар харидини ўрганмоқда.
Яқинда «Челси»ни тарк этган Грэм Поттер Лондон клубининг қисқа рўйхатидан жой олди. Илгари ушбу мутахассис «Брайтон» бошқарувида муваффақиятли ишлаган.
