Janubiy Koreya terma jamoasi yarim himoyachisi Song Chjon Xo Xitoy polisiyasi tomonidan kelishilgan o‘yinlarda ayblanib hibsga olindi.

Xitoy chempionatining "Shandun" klubi futbolchisi hozir shimoli-sharqdagi Lyaonin provinsiyasida polisiya hibsxonasida. Janubiy Koreyalik diplomatlar Son bilan uchrashib, aynan qanday ayblov bilan hibsga olinganini bilishadi.

Koreya futbol assosiasiyasi tushuntirish uchun "Shandun" bilan bog‘langanini, ammo klubdan hech qanday javob olmaganini aytdi. Son va klubning boshqa futbolchilari bosh murabbiyi Xao Vey bilan bog‘liq kelishilgan o‘yinlar bo‘yicha so‘roqqa tutilgan. "Manchester Yunayted" va "Everton" klubining sobiq futbolchisi Maruan Fellayni shu jamoada o‘ynaydi.

So‘nggi uch oy ichida Xitoyda kamida to‘rt nafar futbol amaldori poraxo‘rlik va kelishilgan o‘yinlarga aloqadorlikda gumonlanib hibsga olindi.

Song Chjon Xo 2021 yildan beri "Shandun" jamoasida o‘ynab kelmoqda. U Janubiy Koreya terma jamoasida 20 ta o‘yin o‘tkazgan.