Жанубий Корея терма жамоаси ярим ҳимоячиси Сонг Чжон Хо Хитой полицияси томонидан келишилган ўйинларда айбланиб ҳибсга олинди.
Хитой чемпионатининг "Шаньдун" клуби футболчиси ҳозир шимоли-шарқдаги Ляонин провинциясида полиция ҳибсхонасида. Жанубий Кореялик дипломатлар Сон билан учрашиб, айнан қандай айблов билан ҳибсга олинганини билишади.
Корея футбол ассоциацияси тушунтириш учун "Шаньдун" билан боғланганини, аммо клубдан ҳеч қандай жавоб олмаганини айтди. Сон ва клубнинг бошқа футболчилари бош мураббийи Хао Вей билан боғлиқ келишилган ўйинлар бўйича сўроққа тутилган. "Манчестер Юнайтед" ва "Эвертон" клубининг собиқ футболчиси Маруан Феллайни шу жамоада ўйнайди.
Сўнгги уч ой ичида Хитойда камида тўрт нафар футбол амалдори порахўрлик ва келишилган ўйинларга алоқадорликда гумонланиб ҳибсга олинди.
Сонг Чжон Хо 2021 йилдан бери "Шаньдун" жамоасида ўйнаб келмоқда. У Жанубий Корея терма жамоасида 20 та ўйин ўтказган.
