"Kristal Pelas" hujumchisi Uilfrid Zaxa jamoada qolish haqida jiddiy o‘ylamoqda.
TalkSport xabariga ko‘ra, 30 yoshli futbolchiga jamoa tarixidagi eng ko‘p maosh oluvchi futbolchi bo‘lishi uchun haftasiga 200 ming funt sterling maosh oladigan 4 yillik shartnoma taklif qilingan.
Avvalroq, hujumchi uchun kurashda "Arsenal", "Bavariya", "Chelsi", "PSJ", "Roma" va "Marsel" jamoalari ishtirok etayotgani xabar qilingandi.
Zaxa joriy mavsumda "Kristal Pelas" safida barcha turnirlar doirasida 28 ta o‘yinda maydonga tushib, 7 ta gol urdi va 3 ta golga assistentlik qildi. Shartnoma 2023 yilning yoziga qadar mo‘ljallangan.