"Кристал Пэлас" ҳужумчиси Уилфрид Заха жамоада қолиш ҳақида жиддий ўйламоқда.
TalkSport хабарига кўра, 30 ёшли футболчига жамоа тарихидаги энг кўп маош олувчи футболчи бўлиши учун ҳафтасига 200 минг фунт стерлинг маош оладиган 4 йиллик шартнома таклиф қилинган.
Аввалроқ, ҳужумчи учун курашда "Арсенал", "Бавария", "Челси", "ПСЖ", "Рома" ва "Марсель" жамоалари иштирок этаётгани хабар қилинганди.
Заха жорий мавсумда "Кристал Пэлас" сафида барча турнирлар доирасида 28 та ўйинда майдонга тушиб, 7 та гол урди ва 3 та голга ассистентлик қилди. Шартнома 2023 йилнинг ёзига қадар мўлжалланган.