Madridning “Atletiko” klubi hujumchisi Alvaro Morata jarohati tufayli mavsumning asosiy qismini o‘tkazib yuboradigan “Yuventus” yarim himoyachisi Pol Pogbani qo‘llab-quvvatladi.
"Yuventus" g‘alabani Pogbaga bag‘ishlash uchun Yevropa ligasi finaliga chiqishi kerak. Pol juda kuchli o‘yinchi, "Kremoneze"ga qarshi o‘yinda mushakdan jarohat olganini bilgach, darhol unga qo‘ng‘iroq qildim. U xafa edi, lekin tezda tiklanishga to‘liq e’tibor qaratdi. Pol kuchliroq bo‘lib qaytib, dunyoning eng yaxshi yarim himoyachilaridan biri sifatidagi darajasiga erishadi", - deya Morata so‘zlarini keltirmoqda Calciomercato.
Pogba va Morata 2014 yildan 2016 yilgacha "Yuventus"da birga o‘ynashgan.
