Portugaliyalik yarim himoyachi Bernardu Silva yanvardagi transfer oynasida Madridning «Real» klubini tark etishi mumkin, deb xabar bermoqda jurnalist Ekrem Konur o‘zining ijtimoiy tarmoqdagi sahifasida.
Manbaga ko‘ra, Turinning «Yuventus» klubi yulduzli xavbekni o‘z safiga qo‘shib olmoqchi. «Qari sinyora» rahbariyati o‘yinchini ijaraga olishi mumkin, bunda uning maoshining bir qismini «qirollik» klubi qoplab beradi. Ehtimoliy bitim «qaymoqranglilar»ning bunday shartlarga tayyorligiga bog‘liq.
32 yoshli portugaliyalik futbolchi «Real»ga «Manchester Siti»dan erkin agent maqomida o‘tgan edi. U bilan ikki yillik mehnat shartnomasi imzolangan. Silvaning bozor qiymati 22 million yevroga baholanmoqda.
