Marko Verratti "PSJ" bilan shartnomasini 2026 yilgacha uzaytirganiga qaramay, yozdagi transfer oynasida klubni tark etishga tayyor.
RMC Sport nashri xabariga ko‘ra, futbolchining bunday qarorga kelishiga so‘nggi paytlarda Lionel Messi, Neymar va Verrattiga qarshi chiqqan "PSJ" muxlislarining qarshili sabab bo‘ldi.
"Marko endi "PSJ"da baxtli bo‘la olmaydi. Muxlislarning noroziliklari unga katta zarba bo‘ldi" - dedi futbolchining yaqinlaridan biri.
Verrattining "PSJ"dagi kelajagiga ta’sir qilishi mumkin bo‘lgan asosiy omillardan biri bu yangi bosh murabbiyning shaxsiyati. Agar Kristof Galtyening o‘rniga keladigan yangi bosh murabbiy italiyalik futbolchiga ishonsa, Verratti klubda qolishi mumkin.
Ketgan taqdirda, Verratti faoliyatini davom ettirish uchun asosiy variantlari "Inter" va "Yuventus" bo‘ladi. Marko "Real"da o‘ynashni hohlaydi, ammo "qaymoqranglilar"ning o‘zi bunday transferga qiziqmayapti, chunki ular bor e’tiborini Jud Bellingemni qo‘lga kiritishga qaratishgan.
