«Bavariya» yarim himoyachisi Yozua Kimmix yozda jamoani tark etmaydi, deb yozadi jurnalist Fabrisio Romano o‘zining Tvitter sahifasida.

Manbaga ko‘ra, «Bavariya» Kimmix bo‘yicha boshqa jamoalar bilan muzokara o‘tkazish niyatida emas. Yarim himoyachi klubning asosiy o‘yinchisi hisoblanadi. Uning ketishi hozir ko‘rib chiqilmayapti.

Kimmix joriy mavsumda «Bavariya» safida barcha turnirlar doirasida 45 ta o‘yinda maydonga tushib, 7 ta gol urdi va 11 ta golli uzatmaga mualliflik qilgan. Nemis futbolchisi «qizillar» safida sakkiz yil (2015 yildan beri) o‘ynab kelmoqda.

Futbolchining Myunxen klubi bilan shartnomasi 2025 yilning iyun oyi oxirigacha amal qiladi. Transfermarkt internet portaliga ko‘ra, futbolchining taxminiy narxi 80 million yevroni tashkil qiladi.