Shu haftada «Inter» yana «Milan»ni mag‘lub etib, Chempionlar ligasi finaliga yo‘l oldi. Final hushtagi yangragandan so‘ng Federiko Dimarko his-tuyg‘ularga berildi va muxlislar bilan g‘alabani nishonlay boshladi. Qolaversa, futbolchi «Milan»ga qarshi bir necha haqoratomuz so‘zlarni aytdi.
«Kim mag‘lub bo‘lsa, u «rossoneri»dir», - deb baqirdi Dimarko mikrofonda. Bir necha kundan keyin Dimarkoning uyi yonida tahdidli xabar yozilgan banner osib qo‘yildi.
«Dimarko, futbolga e’tibor qarat, aks holda tilingni kesib yuboramiz», - deb yozilgan bannerda.
