"Real" bosh murabbiyi Karlo Anchelotti shartnomasini oxirigacha klubda qolishini aytdi. "Qirollik klubi" rahbariyati bu haqda unga xabar berishga ulgurdi.
"Mening kelajagim? Rahbariyat shartnomamni oxirigacha jamoada qolishimini ma’lum qilgan. Men prezident Florentino Peres bilan gaplashdim va u meni qo‘llab-quvvatlashini bildirdi. Kelgusi mavsumda qolish niyatim haqida allaqachon gapirganman”, dedi Anchelotti matbuot anjumanida.
"Real Madrid" bu mavsumda faqat Qirol kubogini yutgan. "Qirollik klubi" shu haftada yarim finalda "Manchester Siti"ga Angliyada bo‘lib o‘tgan javob o‘yinida 0:4 hisobida imkoniyatni boy berib, Chempionlar ligasidan chiqib ketdi.
