"Реал" бош мураббийи Карло Анчелотти шартномасини охиригача клубда қолишини айтди. "Қироллик клуби" раҳбарияти бу ҳақда унга хабар беришга улгурди.
"Менинг келажагим? Раҳбарият шартномамни охиригача жамоада қолишимини маълум қилган. Мен президент Флорентино Перес билан гаплашдим ва у мени қўллаб-қувватлашини билдирди. Келгуси мавсумда қолиш ниятим ҳақида аллақачон гапирганман”, деди Анчелотти матбуот анжуманида.
"Реал Мадрид" бу мавсумда фақат Қирол кубогини ютган. "Қироллик клуби" шу ҳафтада ярим финалда "Манчестер Сити"га Англияда бўлиб ўтган жавоб ўйинида 0:4 ҳисобида имкониятни бой бериб, Чемпионлар лигасидан чиқиб кетди.
