Tomas Tuxel bu mavsumda «Bavariya»ni boshqargan chog‘ida Yulian Nagelsmanndan ko‘ra ko‘proq mag‘lubiyatga uchragan.

Myunxenliklar Bundesliganing 33-turida o‘z maydonida «Leypsig»ga imkoniyatni boy berdi (1:3).

Tuxel qo‘l ostida jamoa 11 o‘yin o‘tkazib, beshta g‘alabaga erishdi, shuningdek, ikki marta durang o‘ynadi va to‘rt marta mag‘lub bo‘ldi.

Yulian Nagelsman qo‘l ostida «Bavariya» mavsum boshidan buyon 37 ta o‘yin o‘tkazdi va bor-yo‘g‘i 3 ta mag‘lubiyat alamini totib ko‘rdi. Murabbiyning iste’fosi haqida 24 mart kuni e’lon qilingan edi.