Томас Тухель бу мавсумда «Бавария»ни бошқарган чоғида Юлиан Нагельсманндан кўра кўпроқ мағлубиятга учраган.
Мюнхенликлар Бундеслиганинг 33-турида ўз майдонида «Лейпциг»га имкониятни бой берди (1:3).
Тухель қўл остида жамоа 11 ўйин ўтказиб, бешта ғалабага эришди, шунингдек, икки марта дуранг ўйнади ва тўрт марта мағлуб бўлди.
Юлиан Нагельсман қўл остида «Бавария» мавсум бошидан буён 37 та ўйин ўтказди ва бор-йўғи 3 та мағлубият аламини тотиб кўрди. Мураббийнинг истеъфоси ҳақида 24 март куни эълон қилинган эди.
