Mikel Arteta «Nottingem»ga qarshi o‘yindan so‘ng jamoasining chempionlikni boy berganidan hafsalasi pir bo‘lganini ta’kidladi.

«Manchester Siti»ni chempionlik bilan tabriklayman. Biz uchun bu qayg‘uli kun. Men mas’uliyatni o‘z zimmamga olaman. Hamma narsa yaxshi bo‘lib turganda, do‘stlaring ko‘payadi. Biroq buning aksi bo‘lsa, yoningda juda kam sonli odam qoladi, biroq bu – sport.

Oxirgi paytlarda o‘tkazib yuborgan gollarimiz ancha qimmatga tushdi, lekin aybni faqat bir kishiga yuklay olmaysiz. Butun jamoa yaxshiroq o‘ynashi kerak edi, ammo ular oxirgi haftalarda bunday qilisholmadi.

Bu juda qayg‘uli kun. Biz APLda g‘alaba qozonish uchun 11 oy ishladik, shuncha vaqt turnir jadvalida cho‘qqida edik, kurashdik, lekin bu yetarli emas edi.

Endi kamchiliklarni to‘g‘irlash kerak», dedi «Arsenal» bosh murabbiyi.