"Arsenal" yarim himoyachisi Granit Jaka Leverkuzenning "Bayer"iga o‘tishga bir qadam qolganini inkor etmadi. Oldinroq shveysariyalik "dorichilar"ga 15 million yevroga tushishi xabar qilingandi.
"Mening kelajagim? Oxirgi haftalarda bo‘layotgan mish-mishlarni eshitgan bo‘lsangiz kerak. Menimcha, muxlislar ham men kabi haqiqatni bilishga loyiq. Angliya Premyer-ligasining yakuniga yana bir hafta bor. Men bu vaqtdan maksimal darajada zavq olishni xohlayman”, - deya Jaka so‘zlaridan iqtibos keltirgan Standard.
Angliya chempionatining navbatdagi o‘yini, Jaka uchun "Arsenal" futbolkasida xayrlashuv bo‘lishi mumkin. Shveysariyalik futbolchi joriy mavsumda 36 o‘yinda 5 ta gol va 7 ta golli uzatma bilan Premyer-ligada shaxsiy rekordini o‘rnatdi.
