"Арсенал" ярим ҳимоячиси Гранит Жака Леверкузеннинг "Байер"ига ўтишга бир қадам қолганини инкор этмади. Олдинроқ швейцариялик "доричилар"га 15 миллион еврога тушиши хабар қилинганди.
"Менинг келажагим? Охирги ҳафталарда бўлаётган миш-мишларни эшитган бўлсангиз керак. Менимча, мухлислар ҳам мен каби ҳақиқатни билишга лойиқ. Англия Премьер-лигасининг якунига яна бир ҳафта бор. Мен бу вақтдан максимал даражада завқ олишни хоҳлайман”, - дея Жака сўзларидан иқтибос келтирган Standard.
Англия чемпионатининг навбатдаги ўйини, Жака учун "Арсенал" футболкасида хайрлашув бўлиши мумкин. Швейцариялик футболчи жорий мавсумда 36 ўйинда 5 та гол ва 7 та голли узатма билан Премьер-лигада шахсий рекордини ўрнатди.
