Angliyaning “Nyukasl” jamoasi Chempionlar ligasi yo‘llanmasini qo‘lga kiritdi, buning uchun g‘alaba qozonish ham shart emasdi – “Lester” bilan o‘yinda durang ham yetarli edi va jamoalar durang o‘ynadi.
"Qarg‘alar" bosh murabbiyi Eddi Xau jamoaning Chempionlar ligasiga yo‘llanma olgani haqida fikr bildirdi, u "Nyukasl" stadionida Yevropaning eng kuchli klublarini ko‘rish imkoniyatiga ega bo‘lgan muxlislardan juda xursand.
"Bu katta yengillik, quvonch. Jamoamiz uchun, muxlislar uchun ajoyib oqshom. Albatta, biz bunday natijani kutmagandik, dadil rejalar bor edi, lekin kuchli to‘rtlikka kira olamiz deb o‘ylamagandik. Yigitlar ajoyib mavsum o‘tkazishdi, men ularni yetarlicha maqta olmayman" - dedi Xau BBC Sport bilan suhbatda.
