Madridning “Real” klubi bosh murabbiyi Karlo Anchelotti La Liganing so‘nggi turida irqchilik haqoratlari qurboniga aylangan vinger Vinisius Juniorning ahvoli haqida gapirdi.
Eslatib o‘tamiz, braziliyalik diskvalifikasiya tufayli Ispaniya chempionatining keyingi o‘yinlarida maydonga tushmaydi.
"Vinisius tizzasida noqulaylik his qilgani uchun mashg‘ulot o‘tkazmadi. Biz unga nisbatan haqoratlardan xavotirdamiz. Vinisius ba’zilar o‘ylagandek aybdor emas, qurbon. Voqea nafaqat "Mestalya"da, balki "Valyadolid" va "Malyorka" bilan o‘yinlarda ham sodir bo‘ldi. Kundalik haqoratlardan charchadik. Siz haqingizda qancha haqoratlarni eshitayotganimizni bilmaysiz. Hatto zaxira o‘rindig‘ida ham", - dedi Anchelotti matbuot anjumanida.
