Мадриднинг “Реал” клуби бош мураббийи Карло Анчелотти Ла Лиганинг сўнгги турида ирқчилик ҳақоратлари қурбонига айланган вингер Винисиус Жуниорнинг аҳволи ҳақида гапирди.
Эслатиб ўтамиз, бразилиялик дисквалификация туфайли Испания чемпионатининг кейинги ўйинларида майдонга тушмайди.
"Винисиус тиззасида ноқулайлик ҳис қилгани учун машғулот ўтказмади. Биз унга нисбатан ҳақоратлардан хавотирдамиз. Винисиус баъзилар ўйлагандек айбдор эмас, қурбон. Воқеа нафақат "Месталья"да, балки "Вальядолид" ва "Мальорка" билан ўйинларда ҳам содир бўлди. Кундалик ҳақоратлардан чарчадик. Сиз ҳақингизда қанча ҳақоратларни эшитаётганимизни билмайсиз. Ҳатто захира ўриндиғида ҳам", - деди Анчелотти матбуот анжуманида.
