Madridning "Real" klubi bosh murabbiyi Karlo Anchelotti Vinisius Ispaniyada yuz bergan irqchilik haqoratlariga qaramay, hozir jamoani tark etish haqida o‘ylamayotganiga ishontirdi.
"Vinisius "Real"ni yaxshi ko‘radi. U bu jamoada muvaffaqiyat qozonishni istaydi va ketish haqida o‘ylamaydi. Vinisius uning kelajagi faqat "Real Madrid"da ekanligini biladi. Men unga bir hafta ta’til beraman, chunki u diskvalifikasiya tufayli keyingi o‘yinlardan chetlashtirildi", - dedi Anchelotti matbuot anjumanida.
Eslatib o‘tamiz, joriy mavsumda Vinisius Ispaniya chempionatida 10 ta gol urdi va 9 ta golli uzatmani amalga oshirdi.
