Мадриднинг "Реал" клуби бош мураббийи Карло Анчелотти Винисиус Испанияда юз берган ирқчилик ҳақоратларига қарамай, ҳозир жамоани тарк этиш ҳақида ўйламаётганига ишонтирди.
"Винисиус "Реал"ни яхши кўради. У бу жамоада муваффақият қозонишни истайди ва кетиш ҳақида ўйламайди. Винисиус унинг келажаги фақат "Реал Мадрид"да эканлигини билади. Мен унга бир ҳафта таътил бераман, чунки у дисквалификация туфайли кейинги ўйинлардан четлаштирилди", - деди Анчелотти матбуот анжуманида.
Эслатиб ўтамиз, жорий мавсумда Винисиус Испания чемпионатида 10 та гол урди ва 9 та голли узатмани амалга оширди.
